अमेरिकी राजदूत र्‍यान्डी बेरी र नेपाली नेताहरुको भेटघाट बाक्लीयो

काठमाडौं, १३ माघ । नेपालका लागि अमेरिकी राजदूत र्‍यान्डी बेरीले नेपालका शीर्ष नेताहरूलाई भेटेका छन्।
सोमबार उनले नेपाली कांग्रेसका सभापति शेरबहादुर देउवा र नेपाल कम्युनिष्ट पार्टी नेकपा प्रचण्ड माधव पक्षका अध्यक्ष पुष्पकमल दाहाल प्रचण्डसँग भेटेका छन्।

अमेरिकामा जनवरी २० मा जो बाइडेन नयाँ राष्ट्रपति बनेपछि नेपालस्थित अमेरिकी दूतले भेटघाटलाई तीव्रता दिएको छ।बेरी र देउवाबीच भेटमा लोकतन्त्रको सबलीकरण, जलवायु परिवर्तनलगायत विषयमा कुराकानी भएको दूतावासले जानकारी दिएको छ।