साङ्गभन्दा कम छैनन् अपाङ्गता भएका भेषराज

उहाँको शरीरको आधा पाटो चल्दैन । शारीरिक रुपमा अशक्त बनेपछि उहाँको दिनचर्या घरमै बसेर बित्ने गरेको छ । ह्विल चियरको माध्यमबाट उहाँ सामान्य हिँड्डुल जेनतेन गर्नुहुन्छ ।

साउनमा अन्तिमतिर लगातार एकोहोरो पानी पर्दा जताततै पानी नै पानी भयो । बाढी आएर धेरैको धनजनको क्षति मात्र भएन विस्थापितसमेत बनायो ।

घर डुब्यो, बालीनाली नष्ट बनायो । यो पीडा देखेर घरमै बसेर आराम गरेका भेषराजको मनले मानेन । उहाँलाई आफू अशक्त भए पनि कसरी सहयोग गर्ने भनेर हुटहुटी जाग्यो र फेसबुकमा साथीभाइले खबर सोध्दा बाढीले उर्लाबारीमा पु¥याएको क्षतिबारे अष्ट्रेलियामा भएका साथीहरुलाई अवगत गराउनुभयो । लगत्तै साथीभाइले सहयोगको वचन दिँदै पीडितका लागि सहयोग रकम पठाउनुभयो ।

सोही अनुरुप सोमबार भेषराजको अगुवाइमा साथीभाइबाट उर्लाबारी—८ फाइबेली डाँडा र गाईघाटका पाँच÷पाँच घरपरिवारलाई राहत उपलब्ध गराइएको छ । बाढीबाट पीडित भएका परिवारलाई चामल, भुसेचुलो, कुकर, त्रिपाल र विद्यार्थीका लागि शैक्षिक सामग्री उपलब्ध गराइएको हो । हस्तान्तरण कार्यक्रममा राजघाट पूर्वगाविस अध्यक्ष चन्द्रकुमार थेवेले भेषराजको कामको प्रशंसा गर्नुभयो ।

भेषराज आफँै शारीरिक रुपमा अशक्त हुनुहुन्छ, तर उहाँले बाढीपीडितका लागि जुन कार्य गर्नुभएको छ उदाहरणीय छ । उहाँले पीडितलाई सतर्कता अपनाउन आग्रह गर्दै राहत सामग्रीको सही सदुपयोग गर्न आग्रह गर्नुभयो ।

राजकुमार योञ्जनले सञ्चालन गरेको उक्त कार्यक्रममा उर्लाबारी–९ का वडा सदस्य खड्गबहादुर कार्की, भेषराजका बुबा डम्बरप्रसाद गौतम, दाजु सोमनाथ गौतम, हरिकृष्ण गौतम, स्थानीयवासी इन्द्र श्रेष्ठ, वसन्त श्रेष्ठ, अमर श्रेष्ठ, इन्द्र कार्की, भवानी श्रेष्ठ, टेकबहादुर कार्की, जीवन बस्नेत, योगेश प्याकुरेल, खगेन्द्र न्यौपाने, कमल फ्याक लगायतको उपस्थिति रहेको थियो ।

भेषराजलाई अष्ट्रेलियामा रहेका सागर थापा, दुबी तमु, साजन श्रेष्ठ, रेश्मा निरौला, सुवास साह, अमृत घिसिङ, ईश्वर पोखरेल, विकास अधिकारी, रमेश शाह, शरद हमाल र रजत खड्काले सहयोग पठाउनुभएको थियो ।