११ जेष्ठ २०७९, बुधबार । May 25, 2022

मुख्य खबर

कन्या गुरुकूल तथा आश्रम निर्माण गर्न महायज्ञ



काठमाडौँ, १६ भदौ । दिव्यपथ महिला सरोकार समाज, झापाले झापाको शिवसताक्षी नगरपालिका–१०, माईधारमा एक कन्या गुरुकूल योग साधना हल र निराश्रित महिला तथा अनाथ बालआश्रम निर्माण गर्ने उद्देश्यले काठमाडौँको पशुपति क्षेत्रमा श्रीमद्भागवत सप्ताह महायज्ञ आयोजना गरेको छ ।

गत भदौ १० गते शुरु भई १७ गते समापन हुने सो महायज्ञमा प्राप्त हुने सहयोग रकमबाट झापाको माईधारमा आश्रम बनाउन जग्गा खरिद गरिने समाजले जनाएको छ ।

समाजका अध्यक्ष तथा झापाका प्रख्यात पुराण वाचिका वृन्दा बराल (निरौला) प्रमुख वाचक तथा पं छविरमण निरौला उपवाचक रहनुभएको सो कार्यक्रममा सो कन्या गुरुकूलका लागि सहयोग जुटिरहेको पुराण आयोजक मूल समारोह समितिले जनाएको छ ।

महिला नै प्रमुख वाचिका रहनुभएको सो पुराणमा महिला भक्तजनको पनि निकै ठूलो उपस्थिति हुने गरेको छ भने बिहीबार भएको कार्यक्रममा श्रीकृष्ण र रुक्मिणी विवाहको नाटकीय झलकको प्रस्तुति पनि गरिएको थियो ।

प्रकाशित : १६ भाद्र २०७४, शुक्रबार ००:००