नेपाल बङ्गलादेश संस्कृति आदानप्रदानमा जोड

नेपाल प्रज्ञा–प्रतिष्ठानले बङ्गलादेशको बङ्गला एकेडेमीबाट नेपाल भ्रमणमा आएका साहित्यकारको सम्मानमा आज आयोजना गरेको कार्यक्रममा वाङ्मय शताब्दी पुरुष सत्यमोहन जोशीले दुवै मुलुकबीच रहेका कला, संस्कृति तथा साहित्यलाई एकापसमा आदानप्रदान गरी जनस्तरमा पु¥याउनुपर्नेमा जोड दिनुभयो । प्रतिष्ठानका कुलपति गङ्गाप्रसाद उप्रेतीले दुवै देशका महत्वपूर्ण कृतिलाई एकार्काका भाषामा अनुवादका माध्यमबाट प्रवद्र्धन गर्नुपर्ने बताउँदै छात्रवृत्ति आदानप्रदान र साहित्यिक गोष्ठी गर्ने गृहकार्य भइरहेको जानकारी गराउनुभयो ।

प्रा डा अभि सुवेदीले बङ्गाली कविता अग्रस्थानमा रहेको बताउनुभयो । पूर्वराजदूत हिरण्यलाल श्रेष्ठले बङ्गलादेश ११आँै शताब्दीमा तत्कालीन बङ्गाली धर्मगुरु अतिशा दीपङ्कर नेपाल आएर बौद्ध दर्शन तथा साहित्यलाई प्रचार गरेको बताउनुभयो ।

बङ्गला एकेडेमीका निर्देशक समसुज्जामान खानले दुवै देश शान्ति तथा आर्थिक समुन्नतिका लागि क्रियाशील रहेको अवस्थामा आपसी सद्भाव तथा सहअस्तित्व अभिवृद्धि गरी अगाडि बढ्नुपर्नेमा जोड दिनुभयो । एकेडेमीको निमन्त्रणामा खानको नेतृत्वमा चार सदस्यीय प्रतिनिधिमण्डल यही असार १५ गतेदेखि २० गतेसम्म नेपाल भ्रमणमा आएको छ ।