पाँचथरमा १२ सय उम्मेद्वार मैदानमा

पाँचथर ।  आसन्न स्थानीय तहको निर्वाचनमा पाँचथरबाट ३ सय १६ पदका लागि १ हजार २ सय ४८ जना उम्मेद्वार चुनावी मैदानमा उत्रेका छन ।
मुख्य निर्वाचन अधिकृत राजेन्द्रकुमार श्रेष्ठका अनुसार १ नगर पालिका ७ गाउँपालिकाका विभिन्न पदका लागि १२ सय ७० जनाको उम्मेद्वारी परेको भए पनि २२ जनाले भने आप्mनो नाम फिर्ता लिएका छन । अधिकृत श्रेष्ठका अनुसार अध्यक्ष वा मेयरका लागि ४५ पुरुष २ महिला गरी ४७ जना उपाध्यक्षका लागि १० पुरुष ३२ महिला गरी ४२, वडा अध्यक्षका लागि २ सय ५६ पुरुष ७ महिला गरी ६३ जना खुल्ला वडा सदस्यमा ४ सय ५९ पुरुष १७ महिला गरी ४ सय ४७, महिला सदस्यमा २ सय ३१ र दलित महिला सदस्यमा १ सय ८९ जनाले उम्मेद्वारी दर्ता गरेको जिल्ला निर्वाचन कार्यालय पाँचथरले जनाएको छ । कार्यालयका अनुसार सबभन्दा बढी फिदिम नगर पालिकामा ३ सय १७ जनाले र सब भन्दा कम तुम्बेवा गाउँपालिकामा ८८ जना चुनावी मैदानमा उत्रेका छन ।
जिल्लामा कुल १ लाख १६ हजार ६ सय २८ मतदाता १ सय मतदान स्थल र १ सय ५६ मतदान केन्द्र रहेको जिल्ला निर्वाचन कार्यालय पाँचथरले जनाएको छ ।
असार १४ गते हुने निर्वाचनका लागि सबै तयारी पुरा भई सकेको सबै मतदान केन्द्रमा कर्मचारी सुरक्षा कर्मी निर्वाचनका लागि चाहिने सबै सामाग्री शनिबारसम्ममा पुगी सकेको मुख्य निर्वाचन अधिकृत श्रेष्ठले बताए।