प्रधानमन्त्री ओलीले कोरोना विरुद्धको खोप लगाए

काठमाडौँ ।  प्रधानमन्त्री केपी शर्मा ओलीले आज कोरोना भाइरस कोभिड १९ विरुद्धको खोप लगाएका छन् । दोस्रो चरणको खोप कार्यक्रमअन्तर्गत प्रधानमन्त्री ओलीले आज बिहान त्रिभूवन विश्वविद्याय शिक्षण अस्पताल, महाराजगञ्ज पुगेर खोप लगाएका हुन् ।

प्रधानमन्त्री ओलीले खोप लगाएपछि दोस्रो चरणको खोप अभियान पनि औपचारिकरुपमा सुरु भएको स्वास्थ्य मन्त्रालयले जनाएको छ ।

यस्ते गृह मन्त्री रामबहादुर थापा बादल र अन्य मन्त्रीहरुले पनि त्रिवि शिक्षण अस्पतालमा पुगेर खोप लगाइसकेका छन् ।

यसपटक करिब १६ लाखले खोप लगाउने स्वास्थ्य मन्त्रालयको अनुमान छ ।