नारायणगढ–मुग्लिन सडक सञ्चालनमा

जिल्ला प्रहरी कार्यालयका प्रहरी उपरीक्षक दीपक थापाका अनुसार चारवटा मेसिनको प्रयोग गरी पहिरो हटाएर सडक सञ्चालनमा ल्याइएको हो । पहिरो हटेसँगै बीचबाटोमै रोकिएका सवारी गन्तव्यतर्फ जान थालेको उहाँको भनाइ छ ।

शुक्रबार कालिखोलामा प्रहरीको गाडी बगाएकै स्थानमा करिब ४० मिटर लामो पहिरो खसेर अपराह्न ३ बजेदेखि अवरुद्ध भएको सडक साँझ ७ बजेदेखि खुलाइएको हो । यसअघि शनिबार राति ९ बजे खसेको पहिरो पन्छाएर ११ घण्टापछि आज बिहान बाटो खुलाइएको थियो । त्यसको सात घण्टापनि बित्न नपाउँदै पुनः पहिरो खसेर अपराह्न ३ बजेबाट सडक अवरुद्ध भएको थियो ।