३ भाद्र २०७९, शुक्रबार । August 20, 2022

Breaking

जलवायु परिवर्तनबाट पर्यटकीय क्षेत्रहरुलाई सुरक्षित गर्नुपर्छ : पर्यटनमन्त्री श्रेष्ठ



 

काठमाडौं । संस्कृति, पर्यटन तथा नागरिक उड्डयनमन्त्री जीवनराम श्रेष्ठले पर्यटन क्षेत्रमा जलवायु परिवर्तनको प्रभाव कम गर्न सरोकारवाला सचेत हुनुपर्ने बताउनुभएको छ । साथसाथै नामक संस्थाले  बुधवार काठमाडौंमा आयोजना गरेको कार्यक्रममा मन्त्री श्रेष्ठले जलवायु परिवर्तनबाट पर्यटकीय क्षेत्रहरुलाई कसरी सुरक्षित गर्ने भन्ने बिषयमा आवश्यक रणनीति बनाउनुपर्ने बताउनुभयो ।

जलवायुजन्य प्रकोपका कारण पर्यटन क्षेत्रको अर्थतन्त्रमा गम्भीर असर पुग्नसक्ने भएकोले त्यसतर्फ सचेत हुनुपर्ने मन्त्री श्रेष्ठको भनाइ छ । मन्त्री श्रेष्ठले कोभिड महामारीका कारण प्रभावित भएको पर्यटन क्षेत्र पुनरुस्थानको क्रममा रहेको बताउनुभयो । महामारीको असर कम हुँदै जाँदा पर्यटन आगमन सामान्य हुँदै गएको  र पर्यटन गतिविधि पुनरागमनको अपेक्षा गरिएको उहाँको भनाइ छ ।

कार्यक्रममा सर्वोच्च अदालतकी न्यायाधीश सपना प्रधान मल्लले वातावरणीय न्यायका लागि बनेका ऐन र कानुनको प्रभावकारी कार्यन्वयनमा जोड दिनुभएको थियो । सो अवसरमा जलवायु परिवर्तनले महिलाको जनजीवन र पर्यटनमा पारेको असरबारे ध्यानाकर्षण गराउन ६० जना महिलाले डोल्पाको शे-फुक्सुण्डो क्षेत्रमा पदयात्रा गर्ने जानकारी दिइएको थियो ।

प्रकाशित : २२ असार २०७९, बुधबार ००:००