मुस्ताङको कागबेनीमा बाढीले ३० घर, प्रहरी चौकी र पुल बगायो

काठमाडौ । मुस्ताङ जिल्लाको बारागुङ मुक्तिक्षेत्र गाउँपालिका कागबेनीमा आइतबार साँझ बाढीले पूर्ण तथा आंशिक ३० घर, प्रहरी चौकी र पुल बगाएको छ ।

कागखोलामा आएको बाढीले गाउँपालिकाको केन्द्रसमेत रहेको धार्मिकस्थल कागबेनीमा भौतिक संरचनामा क्षति पु¥याएको हो । राती ८ बजे बस्तीमा पसेको बाढीले पूर्ण तथा आंशिक ३०  घर, प्रहरी चौक, वडा कार्यालय, जोमसोम-कोरला सडकको निर्माणाधीन मोटरेबल पुल, मान्छे हिँड्ने पुल, गाडी तथा विद्युत्का पोल बगाएको र क्षतिको विवरण संकलन भइरहेको प्रहरी निरिक्षक गोपी सुवेदीले बताए ।

कागबेनीभन्दा माथिको तिरिखोला थुनिएर बाढी आएको सूचना पाएपछि घर खाली गराएकाले मानवीय क्षति भने नभएको बारागुङ मुक्ति क्षेत्र गाउँपालिकाका अध्यक्ष रिनजिन गुरुङले बताए ।