रेजिना उप्रेतीको मुख्य भूमिका रहेको चलचित्र ‘कसिङ्गर’ युटुबमा रिलिज

काठमाडौँ १६ माघ ।  कलाकारद्धय रेजिना उप्रेती र राजवीर पटेलको मुख्य भूमिका रहेको चलचित्र ‘कसिङ्गर’ युटुबमा रिलिज गरिएको छ ।चलचित्र हलमा रिलिज नगरी सिधै युटुबमा रिलिज गरिएको हो ।धौलाश्री फिल्मस्को ब्यानरमा निर्माण भएको यो चलचित्रमा ओम क्षेत्री, सुशिल पोखरेल, रामचन्द्र अधिकारी, सुरविर पण्डित, सुवास नेपाली लगायतका कलाकारको अभिनय रहेको छ ।

चलचित्रमा राजवीरकै कथा, पटकथा तथा निर्देशन रहेको छ । चलचित्रमा राजन पटेलको सम्पादन, सम्राट सापकोटाको एक्सन, हरि नारायण चौधरीको छायांकन, दीपक अधिकारी र विक्रम चौहानको कोरियोग्राफी रहेको छ ।