सुनिल ग्रोवरले आफू कहिल्यै पनि कपिल शर्मासँग रिसाउन नसक्ने बताए

काठमाडौँ । भारतीय हाँस्य कलाकार कपिल शर्मा र उनका सहयात्री कलाकार सुनिल ग्रोबरको सम्बन्धका बारेमा कहिले काँही विभिन्न समाचार आउने गर्छन । उनीहरु अहिले शो मा संगै भने छैनन् । प्रशंसकले द कपिल शर्मा शोमा गुत्थीको उनको भूमिका कहिले विर्सन सक्दैनन् । सुनिल ग्रोवर द कपिल शर्मा शोमा अनौठा भूमिका निभाएर दर्शकलाई हसाउने गर्दथे ।

अष्ट्रेलियावाट फर्कदा उनीहरुबीच विमानमै विवाद भएपछि त्यो अवस्था थप विग्रिएर अहिले शो मा उनीहरु संगै छैनन् । सुनिलले द कपिल शर्मा शो छोडिसकेका छन् । तर पनि उनीहरुको सम्बन्ध भने अचम्मको छ । यो घटनापछि यी दुईबीच कहिल्यै कुराकानी नभएको पनि होइन । दुबैको अफ द स्क्रिनमा थुप्रै पटक भेट पनि भयो र दुबैले विशेष मौकामा एक अर्कालाई शुभकामना दिन पनि जारी राखे ।हालै बलिउड हंगामा सँगको कुराकानीमा सुनिल ग्रोवरले आफू कहिल्यै पनि कपिल शर्मासँग रिसाउन नसक्ने बताए ।