राप्रपाद्वारा खेलाडी जोशीको निधनमा समवेदना

पार्टीका प्रवक्ता भुवन पाठकले आज जारी गर्नुभएको विज्ञप्तिमा विभिन्न समयमा भएका भारोत्तोलनसम्बन्धी अन्तर्राष्ट्रिय खेलमा पटकपटक अन्तर्राष्ट्रिय पदक प्राप्त गरी मुलुकको प्रतिष्ठा बढाएका जोशीको निधनमा शोक सन्तप्त परिवारमा समवेदना व्यक्त गरेको छ ।

खेलकुद क्षेत्रमा समर्पित सन् १९९६ मा अमेरिकाको एटलान्टामा भएको ओलम्पिकमा सहभागी उहाँको असामयिक निधनले खेलकुद क्षेत्रमा ठूलो क्षति पुगेको विज्ञप्तिमा भनिएको छ । नेपाल ओलम्पिक सङ्घका पूर्वअध्यक्षसमेत रहनुभएका जोशीको हृदयाघातका कारण सहिद गङ्गालाल हृदय केन्द्रमा उपचारका क्रममा ५४ वर्षको उमेरमा आइतबार निधन भएको थियो ।