‘एमालेकै नीति तथा कार्यक्रममा सरकार चलिरहेको छ’

देउमाई नगरपालिकास्थित मङ्गलबारेमा आज आयोजना गरको चुनावी सभालाई सम्बोधन गर्दै उहाँले एमालेको नौ महिने सरकारले ल्याएको ‘आफ्नो गाउँ आफैं बनाऊँ’ नीति तथा कार्यक्रम अनुसार नै सरकार चलेको बताउनुभयो ।

“एमाले विदेशीको दबाब र प्रभावमा पर्दैन,” उहाँले भन्नुभयो । राजपाको बहाना बनाएर सरकारले निर्वाचन पछि धकेलेको नेता नेम्वाङले आरोप लगाउनुभयो । संविधानले हिमाल, पहाड र तराईका सम्पूर्ण जनतालाई समेटेकाले यसको पूर्ण कार्यान्वयनमा जोड दिनुपर्ने उहाँको भनाइ थियो ।